القائمة الرئيسية

الصفحات

يعني ايه أكشن فوتوشوب


It means any action Photoshop
أكشن فوتوشوب جاهز


يعني اية أكشن 


بص ياسيدي ببساطة كدة برنامج الفوتوشوب فيه ادوات كتيرة بتساعدنا وبتسهل علينا الاستخدام وكمان بتختصر الوقت. زي ايه؟! زي الاكشن والفرش والتدرجات اللونية والاشكال والالوان كمان. طب ممكن يكون بيدور في بالك هي الادوات دي اتعملت بالبرنامج نفسه ازاي وايه مصدرها؟! ايوة اتعملت بالبرنامج نفسه يعني حد صانعها بنفسه وعملها اخراج من البرنامج. طب وهدفه من ده ايه؟! هدفه يشاركه مع الاشخاص الاخرين علشان يستفادو بيها او حتي في اشخاص بتعملها بغرض الكسب منها وانها تبيعها بمقابل مادي. معقول! اه ممكن تشوف بنفسك من الرابط ده اكشنات معروضة للبيع محققه مبيعات كبيرة زي اللي في الصورة التوضيحة اللي فوق.

تعريف الاكشن


هو عبارة عن مجموعة من الخطوات المتتالية تم تسجيها مسبقاً. ودي الخطوات اللي بيقوم بيها الشخص على البرنامج نفسه. يعني مثلا انت فتحت البرنامج وفتحت قائمة file وبعدين اختارت new لفتح عمل جديد وحطيت مقاس التصميم طول وعرض وضغطت علي ok الخطوات دي كلها انت اللي عملتها بنفسك لكن من خلال الاكشن انت ممكن تعيد الخطوات دي بدون تدخل منك. تيجي نعمل مثال عملي علشان توصلك بشكل افضل في النهاية هنعمل الخطوات خطوة بخطة مع بعض وهتخرج وانت متمكن جدا من الوضوع ده

عاوزك تعرف ان الاكشن اداة من الادوات الي هدفها الرئيسي هو تسهيل استخدام برنامج الفوتوشوب، يعني مثلا انا بصمم كارت شخصي باستمرار والكارت ده ليه مقاسات معينة بدل ما بفتح البرنامج كل مرة عاوز اصمم فيها بزنس كارت جديد، افتح البرنامج وادوس علي الاكشن اللي احنا هنعمله مع بعض فيعمل كل الخطوات بشكل تلقائي بدون تدخل منك بهوامش الطباعة وده اللي هنشوفه مع بعض يلا بينا..

اول حاجة هنعملها هفتح برنامج الفوتوشوب طب انا لسه مبتدأ ازاي احمل برنامج الفوتوشوب؟! ابحث في جوجل او يوتيوب هتلاقي 100 حد شارح الموضوع مستنيك متتاخرش :) وخالي بالك شوف امكانيات جهازك الاول لو ضعيف ومتوسط ممكن تنزل اصدار قديم زي adobe photohop cs5 او adobe photohop cs6 ولو جهازك قوي ممكن تنزل adobe photohop cc

الهدف

هنتعلم في الشرح في الخطوات الجاية ازاي نعمل اكشن بسيط هيكون الهدف منه هو انك تكون على بداية الطريق والفهم والتمكن من استخدام اداة الاكشن في برنامج الفوتوشوب. انا مثلا مصمم وكل يوم بيجيلي عميل عاوز يصمم كارت شخصي والتصميم دة مقاسة ثابت بس انا بصمم كل عميل تصميم مختلف خاص بيه بدل ما كل مرة افتح عمل جديد لا انا هعمل اكشن بضغط زر هيفتح صفحة بالمقاسات المظبوطة.

الشرح


هنبدأ خطوات الشرح واول خطوة
  1. هنفتح البرنامج اي اصدار
  2. هندوس علي قائمة window
  3. هنتختار منها قائمة action

It means any action Photoshop
هنقوم بفتح قائمة window  ونقوم باختيار قائمة action

هيظهر لينا المربع دة نتبع الخطوات
  1. هيفتح نافذة الاكشن
  2. نقوم بانشاء اكشن جديد كما هو موضح
  3. نقوم بتسمية الاكشن اي تسمية نريدها
  4. ندوس تسجيل 
وبكدة برنامج الفوتوشوب هيبدأ يسجل كل خطوة هتقوم بيها في برنامج


It means any action Photoshop
هنقوم بخطوات تسجل الاكشن

وبعد كدة هنقوم بالخطوات التالية لعمل مساحة عمل مخصصة بمقاسات كارت شخصي او بزنس كارت :
  1. نضغط علي قائمة file  
  2. نضغط علي قائمة new
  3. نختار الاسم الذي نريدة 
  4. نكتب العرض 8.5 سنتيمتر
  5. نكتب الطول  5.5 سنتيمتر
  6. نختار نظام الالوان  لو هنصمم تصميم مطبوع cmyk لو هيتعرض علي شاشة هنخنار rgp وهنا هنختار cmyk لان البزنس كارت تصميم مطبوع
  7. وبعد كدة بندوس ok


It means any action Photoshop
هنقوم في الخطوة دي بانشاء الكارت الشخصي واي خطوة بنعملها الاكشن بيسجل الخطوات دي

بكده احنا انشئنا اكشن بسيط بكل سهولة لتشغيل الاكشن سوف نقوم بالخوات التالية
  1. نقوم بوقف تسجيل الاكشن 
  2. لتنفيذ الاكشن وفتح عمل جديد بنفس التفاصيل بشكل تلقائي نقوم بالضغط علي زر تشغيل
  3. نلاحظ انه تم فتح مساحة عمل جديدة بالنفس الخطوات التي قمنا بعملها يدوياً سابقا



نقوم بتشغيل الاكشن 


انتهي الشرح. :)
التدوينة القادمة هنشرح ازاي تستخرج الاكشن من برنامج الفوتوشوب وازاي تقوم بادخال أكشن خارجي وطريقة تشغيلة، دمتم بخير..
وان كان هناك اي استفسار او سؤال يمكنكم كتابته في التعليقات وسوف يتم الرد عليكم.
reaction:

تعليقات

تعليق واحد
إرسال تعليق

إرسال تعليق